कृष्णा यादव 
बीरगन्ज १७ फागुन 
बीरगन्जमा म्याराथान प्रतियोगिताको उपाधी त्रिभुवन आर्मी क्लबका खगेन्द्र बहादुर भाट्ले जितेका छन् ।
 नेपाली सेनाले सेना दिवसको उपलक्ष्यमा वीरगन्जमा आयोजना गरेको ‘एकताको लागि ४२ किलो मिटर म्याराथान दौड प्रतियोगितामा  प्रथम उपाधी त्रिभुवन आर्मी क्लबका भाट्ले जित्न सफल भएका हुन । 
त्यसैगरी दोस्रो स्थान र तेस्रो स्थानमा पनी त्रिभुवन आर्मी क्लवका नेपाली सेनाले नै हात पार्न सफल भएका छन । 
द्धितिय स्थानमा आर्मी क्लवका राजन रोकाया र तृतिय स्थानमा हरी कुमार रिमालले जित्न सफल भएकाछन । 
भाटले ४२ किलोमिटर दौडमा २ घण्टा २१ मिनेट १५ सेकेन्डको दुरी पार गर्दै प्रथम स्थान हासिल गर्न सफल भए भने द्धितिय स्थानमा रोकायाले २ घण्टा २७ मिनेट ४९ सेकेन्डमा ४२ किलोमिटरको दुरी पार गरे भने सेना कै रिमालले तृतिय स्थान हात पारेका छन । 
४२ किलोमिटर दौडमा प्रथम हुने आर्मी क्लवका खगेन्द्र बहादुर भाटले दुई लाख रुपैया द्धितिय हुने राजन रोकायाले १ लाख ५० हजार र तृतिय स्थान हासिल गर्ने हरी कुमार रिमालले १ लाख रुपैया नगद सहित शिल्ड र प्रमाण पत्र पाएका थिए । 
सेना दिवसको अवसरमा एकताका लागी ४२ किलोमिटर दौड प्रतियोगिताका विजेताहरुलाई प्रदेश नम्बर २ का मुख्य मन्त्री मोहम्द लालबाबु राउत गद्दी र नेपाली सेनाका प्रधान सेनापती पुर्णचन्द थापाले पुरस्कार प्रदान गरी सम्मान गर्नुभएको थियो । 
रक्षा मन्त्रालय, नेपाली सेना मध्य पृतनाको अगुवाई र मध्य पूर्वी पृतनाको सहयोगमा  २८ नं बाहिनी अड्डाको आयोजनामा ४२ किलोमिटरको दौडको म्याराथान आज सम्पन्न भएको थियो । प्रथम स्थान हासिल गर्ने सेनाका हवलदार हुन भने द्वितिय स्थान हासिल गर्ने रोकाया सेनाका सुवेदार हुन त्यस्तै तृतिय स्थान हात पार्ने रिमाल सेनाका सिपाही हुन । त्यसैगरी ४२ किलोमिटर दौडमा १४ औं स्थानमा बीरगंज माहानगरपालिका वडा नम्बर १७ अलौका ५४ बर्षिय श्रीकिशुन साह भएका थिए । 
सेनाले आयोजना गरेको वीरगन्ज म्याराथान प्रतियोगिता मध्ये ४२ किलोमिटरको दौड बाराको पिलुवा स्थित नेपाली सेनाको बाहिनीबाट बिहान शुरु भएको थियो । पिलुवाबाट शुरु भएको दौड बाराकै कलैया, गढीमाई मन्दिर हुदै पुन कलैयाबाट वीरगन्जको घण्टाघर स्थित रहेको चण्डी प्रसाद गण सेनाको ब्यारेकमा आई उक्त म्याराथुन समापन भएको थियो ।
त्यसैगरी २१ किलोमिटरको दौडमा महिला र पुरुष दुवै तर्फबाट त्रिभुवन आर्मी क्लबकै खेलाडीहरुले उपाधी हात पारेका छन । प्रथम, द्वितिय र तृतिय महिला तर्फ क्रमश राजपुरा पछाई, फुलमती राना र विन्दा श्रेष्ठ, र पुरुष तर्फ गजेन्द्र राई, दिपक अधिकारी र रामजी बस्नेत भएका थिए ।
२१ किलोमिटरको दौडका प्रथम, द्वितिय र तृतिय हुने विजेतालाई क्रमश ७५, ५० र ३५ हजार नगद सहित प्रमाणपत्र सहित सम्मान गरिएको थियो । 
१० किलोमिटरको दौडमा सिभिलियन तर्फबाट पुरुष र महिला प्रथम, द्वितिय र तृतिय क्रमश, सागर श्रेष्ठ, दिनेश वोगटी, प्रिन्स कुमार गुप्ता, सकुन्तला ठगुन्ना, मन्जु राउत र शिला थापाले जित हासिल गरेको थिए ।

त्यसैगरी विभागियबाट त्रिभुवन आर्मी क्लबकै महिला र पुरुष तर्फ प्रथम, द्वितिय र तृतियमा क्रमश पूर्ण लक्ष्मी न्यौपाने, सरस्वती भट्टराई, विर्सना कुमाल, कल्याण बानिया, गणेश ठकुरी र टंक कार्की भएका थिए । विजेताहरुलाई २०, १५ र १० हजारको दरले नगद र प्रमाण पत्र सहित सम्मान गरिएको थियो ।
प्रतियोगितामा ४० बर्ष भन्दा माथिको ५ किलोमिटरको दौडमा प्रथम, द्वितिय र तृतियमा क्रमश जय नरेश सिंह, राजेश्वर कुमार र श्याम चौधरी भएका थिए । उनीहरुलाई २०, १५ र १० हजार नगद र प्रमाण पत्र सहित सम्मान गरिएको थियो ।
प्रतियोगितामा जेष्ठनागरिकहरुलाई समेत सहभागिता गराईएको थियो । ७० बर्ष भन्दामाथिका जेष्ठ नागरिकहरुको लागि १ किलोमिटरको दौड प्रतियोगिताको आयोजना गरिएको थियो । जसमा सन्तोष महतो प्रथम भएका थिए । उनलाई नगद २५ हजार रुपैया सहित सम्मान गरिएको थियो । द्वितिय हुने अनिल मालाकार र तृतिय रमेश महतोलाई क्रमश २० हजार र १५ हजार रुपैया नगद सहित सम्मान गरिएको थियो । 
वीरगन्ज महानगरपालिकाको संयोजकत्व, भिजिट नेपाल २०२० प्रदेश २ र वीरगन्ज उद्योग वाणिज्य संघको सह आयोजनामा गरिएको म्याराथान प्रतियोगितामा ५ हजार २ सय जनाले सहभागिता जनाएका थिए । जसमध्ये ४१ सय जनालाई निस्शुल्क टि सर्ट र टोपी उपलब्ध गराईएको थियो ।

“स्वच्छ देश—स्वस्थ मधेश” भन्ने मुल नाराका साथ ‘एकताको लागि दौड’ वीरगन्ज म्याराथन २०२० को आयोजना गरिएको थियो । म्याराथन प्रतियोगिताले प्रदेश २ मा खेलकुदको विकासमा टेवा पुग्ने, नयाँ खेलाडीको उत्पादन र पहिचान, विभिन्न निकायहरु संग सम्बन्ध विस्तार हुने र प्रदेश सरकारले संचालन गरेको स्वच्छता अभियानमा पूर्णरुपमा सहयोग पुग्ने उद्देश्य यो प्रतियोगिताको आयोजना गरिएको आयोजकले जनाएको छ ।

१ किलो मिटर यात्रा देखि ४२ किलो मिटर म्याराथान दौड समावेश गरिएको थियो । ज्येष्ठ नागरिक, बालबालिका, महिला एवं फरक क्षमताका प्रतियोगीहरुका लागि विभन्न १४ समुहमा विभाजन गरिएको थियो । धावकहरुको सुरक्षाका लागि एम्बुलेन्स र हेलिकप्टरसमेत परिचालन गरिएको थियो ।